jis dil mein teri zulf ka sauda nahin hota

jis dil meñ tirī zulf kā saudā nahīñ hotā

vo dil nahīñ hotā nahīñ hotā nahīñ hotā

āshiq jise kahte haiñ vo paidā nahīñ hotā

aur ho.e bhī bil-farz to mujh sā nahīñ hotā

jo kushta-e-teġh-e-nigah-e-yār haiñ un par

kuchh kārgar ejāz-e-masīhā nahīñ hotā

maanā ki sitam karte haiñ ma.ashūq magar aap

jo mujh pe ravā rakhte haiñ aisā nahīñ hotā

jo mast hai saaqī nigah-e-mast kā vo tū

minnat-kash-e-jām-o-mai-o-mīnā nahīñ hotā

kahtā hai koī sho.ala-e-javvāla koī barq

is dil pe gumāñ logoñ ko kyā kyā nahīñ hotā

zāhid ho do-chār-e-nigah-e-mast to dekheñ

ālūda ba-mai kyūñki musallā nahīñ hotā

haañ kuchh to bayān-e-havas-e-dil meñ hai lazzat

jo lab se judā harf-e-tamannā nahīñ hotā

taskīn-e-dil-e-soḳhta-e-shamm.a kī ḳhātir

kis shab par-e-parvāna se pañkhā nahīñ hotā

dil ishq ne itnā bhī na chhoḌā ki jo kahveñ

taqsīm juz-e-lā-yatajazzā nahīñ hotā

de baiThe ho dil 'aish' tum un logoñ ko jin kī

bedād kā vaañ bhī koī shunvā nahīñ hotā

jis dil mein teri zulf ka sauda nahin hota

wo dil nahin hota nahin hota nahin hota

aashiq jise kahte hain wo paida nahin hota

aur hoe bhi bil-farz to mujh sa nahin hota

jo kushta-e-tegh-e-nigah-e-yar hain un par

kuchh kargar ejaz-e-masiha nahin hota

mana ki sitam karte hain mashuq magar aap

jo mujh pe rawa rakhte hain aisa nahin hota

jo mast hai saqi nigah-e-mast ka wo tu

minnat-kash-e-jam-o-mai-o-mina nahin hota

kahta hai koi shoala-e-jawwala koi barq

is dil pe guman logon ko kya kya nahin hota

zahid ho do-chaar-e-nigah-e-mast to dekhen

aaluda ba-mai kyunki musalla nahin hota

han kuchh to bayan-e-hawas-e-dil mein hai lazzat

jo lab se juda harf-e-tamanna nahin hota

taskin-e-dil-e-soKHta-e-shamma ki KHatir

kis shab par-e-parwana se pankha nahin hota

dil ishq ne itna bhi na chhoDa ki jo kahwen

taqsim juz-e-la-yatajazza nahin hota

de baiThe ho dil 'aish' tum un logon ko jin ki

bedad ka wan bhi koi shunwa nahin hota