jis ka badan gulab tha wo yar bhi nahin
jis kā badan gulāb thā vo yaar bhī nahīñ
ab ke baras bahār ke āsār bhī nahīñ
peḌoñ pe ab bhī chhā.ī haiñ ThanDī udāsiyāñ
imkān jashn-e-rañg kā is baar bhī nahīñ
dariyā ke iltifāt se itnā hī bas huā
tishna nahīñ haiñ hoñT to sarshār bhī nahīñ
rāhoñ ke pech-o-ḳham bhī use dekhne kā shauq
chalne ko tez dhuup meñ tayyār bhī nahīñ
bichhḌe huoñ kī yaad nibhāte haiñ jaan kar
varna kisī ko bhūlnā dushvār bhī nahīñ
jitnā sitam-shi.ār hai ye dil ye apnā dil
utne sitam-shi.ār to aġhyār bhī nahīñ
ahl-e-hunar ke baab meñ us kā bhī zikr ho
'fikrī' ko aisī baat pe isrār bhī nahīñ
jis ka badan gulab tha wo yar bhi nahin
ab ke baras bahaar ke aasar bhi nahin
peDon pe ab bhi chhai hain ThanDi udasiyan
imkan jashn-e-rang ka is bar bhi nahin
dariya ke iltifat se itna hi bas hua
tishna nahin hain honT to sarshaar bhi nahin
rahon ke pech-o-KHam bhi use dekhne ka shauq
chalne ko tez dhup mein tayyar bhi nahin
bichhDe huon ki yaad nibhate hain jaan kar
warna kisi ko bhulna dushwar bhi nahin
jitna sitam-shiar hai ye dil ye apna dil
utne sitam-shiar to aghyar bhi nahin
ahl-e-hunar ke bab mein us ka bhi zikr ho
'fikri' ko aisi baat pe israr bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
