jis ke hum bimar hain gham ne use bhi randa hai

jis ke ham bīmār haiñ ġham ne use bhī rāñda hai

ho chukā darmāñ masīhā aap hī darmāñda hai

jīte-jī kyā mar ga.e par bhī vabāl-e-dosh hai

jo mirī mayyat uThātā hai vo detā kāñdhā hai

tā-qayāmat gardish-e-taqdīr jaane kī nahīñ

apnī bargashta-nasībī ne vo charḳhā nāñda hai

hai ayaañ har shai se dikhlā.ī nahīñ detā magar

vaah re DhaT bandī kyā sab kī nazar ko bāñdhā hai

ham idhar betāb udhar vo barq-vash betāb hai

kauñdtī bijlī kisī jānib lapaktā kāñda hai

uḌ gayā bak-bak se ham nāzuk-mizājo kā dimāġh

pand-go chup rah kahāñ kā qissa nāñdhā hai

Dar nahīñ be-mātre ai 'shād' hindī lafz kā

is ġhazal meñ qāfiya dānista ham ne bāñdhā hai

jis ke hum bimar hain gham ne use bhi randa hai

ho chuka darman masiha aap hi darmanda hai

jite-ji kya mar gae par bhi wabaal-e-dosh hai

jo meri mayyat uThata hai wo deta kandha hai

ta-qayamat gardish-e-taqdir jaane ki nahin

apni bargashta-nasibi ne wo charKHa nanda hai

hai ayan har shai se dikhlai nahin deta magar

wah re DhaT bandi kya sab ki nazar ko bandha hai

hum idhar betab udhar wo barq-wash betab hai

kaundti bijli kisi jaanib lapakta kanda hai

uD gaya bak-bak se hum nazuk-mizajo ka dimagh

pand-go chup rah kahan ka qissa nandha hai

Dar nahin be-matre ai 'shad' hindi lafz ka

is ghazal mein qafiya danista hum ne bandha hai