jis ki KHatir maine duniya ki taraf dekha na tha

jis kī ḳhātir maiñ ne duniyā kī taraf dekhā na thā

vo mujhe yuuñ chhoḌ jā.egā kabhī sochā na thā

us ke aañsū hī batāte the na ab lauTegā vo

is se pahle to bichhaḌte vaqt yuuñ rotā na thā

rah gayā tanhā maiñ apne dostoñ kī bhiiḌ meñ

aur hamdam vo banā jis se koī rishta na thā

qahqahoñ kī dhuup meñ baiThe the mere saath sab

āñsuoñ kī bārishoñ meñ par koī bhīgā na thā

ashk palkoñ pe bichhaḌ kar apnī qīmat kho gayā

ye sitāra qīmtī thā jab talak TuuTā na thā

marmarīñ gumbad pe ruktī thī har ik pyāsī nazar

par kasī ne maqbare meñ ġham chhupā dekhā na thā

jis ki KHatir main ne duniya ki taraf dekha na tha

wo mujhe yun chhoD jaega kabhi socha na tha

us ke aansu hi batate the na ab lauTega wo

is se pahle to bichhaDte waqt yun rota na tha

rah gaya tanha main apne doston ki bhiD mein

aur hamdam wo bana jis se koi rishta na tha

qahqahon ki dhup mein baiThe the mere sath sab

aansuon ki barishon mein par koi bhiga na tha

ashk palkon pe bichhaD kar apni qimat kho gaya

ye sitara qimti tha jab talak TuTa na tha

marmarin gumbad pe rukti thi har ek pyasi nazar

par kasi ne maqbare mein gham chhupa dekha na tha