jis ki KHatir sajai mahfil hai

jis kī ḳhātir sajā.ī mahfil hai

kyoñ rasā.ī usī kī mushkil hai

zindagī kyā hai maiñ batātā huuñ

ek majmūa-e-masā.il hai

us ko bhī to sazā mile koī

jo mirī ḳhvāhishoñ kā qātil hai

pahle vo mujh pe jaañ chhiḌaktā thā

ab mire dushmanoñ meñ shāmil hai

dast-e-qātil bhalā na kyoñ larzeñ

tiir kā ruḳh jo sū-e-bismil hai

rahtī duniyā talak ye karb-o-balā

haqq-o-bātil meñ hadd-e-fāsil hai

hone vaalā hai kuchh burā shāyad

āj-kal muztarib mirā dil hai

baap bolā adā karūñ kaise

is qadar paanī gas kā bil hai

vo fasīl-e-anā girānī hai

jo hamāre miyān haa.il hai

ek din ġham to ek roz ḳhushī

bas yahī zindagī kā hāsil hai

aaj ke daur meñ jise dekho

maqsad-e-zindagī se ġhāfil hai

kaise khāte ho shauq se 'nūrī'

ḳhālī filfil se ye falāfil hai

jis ki KHatir sajai mahfil hai

kyon rasai usi ki mushkil hai

zindagi kya hai main batata hun

ek majmua-e-masail hai

us ko bhi to saza mile koi

jo meri KHwahishon ka qatil hai

pahle wo mujh pe jaan chhiDakta tha

ab mere dushmanon mein shamil hai

dast-e-qatil bhala na kyon larzen

tir ka ruKH jo su-e-bismil hai

rahti duniya talak ye karb-o-bala

haqq-o-baatil mein hadd-e-fasil hai

hone wala hai kuchh bura shayad

aaj-kal muztarib mera dil hai

bap bola ada karun kaise

is qadar pani gas ka bil hai

wo fasil-e-ana girani hai

jo hamare miyan hail hai

ek din gham to ek roz KHushi

bas yahi zindagi ka hasil hai

aaj ke daur mein jise dekho

maqsad-e-zindagi se ghafil hai

kaise khate ho shauq se 'nuri'

KHali filfil se ye falafil hai