jis ko KHabar nahin use josh-o-KHarosh hai

jis ko ḳhabar nahīñ use josh-o-ḳharosh hai

jo pā gayā vo raaz vo gum hai ḳhamosh hai

hai ek shor-e-bulbul-o-saut-e-shagufta-gul

ye sūrat-e-āfiyat hai vo yāsīn-e-hosh hai

aa.ī thī shakl dil ke jo aa.ina meñ nazar

band aañkh is se aur zabāñ bhī ḳhamosh hai

ye haal ho ki aap meñ aalam ko dekh le

gar dil meñ tere ishq kī kasrat kā josh hai

kab hai kamāl-e-ishq pe haavī ġham-e-firāq

ek ek zarra qais ko mahmil ba-dosh hai

vārafta-e-havā-e-tarab yaad rakh use

jo dard kī khaTak hai naved-e-sharosh hai

barq-e-jamāl nāfe-e-mā-o-shumā huī

kyā zikr-e-sham-e-tūr ki vo bhī ḳhamosh hai

kyā hai tirā hudūs-o-qidam ham to haiñ vahāñ

hastī jahāñ adam ke liye ḳhvāb-nosh hai

ushshāq jaama pahne haiñ taslīm-e-ishq kā

dastār-o-jubba shaiḳh kā haañ pardā-posh hai

tere jahāñ se mahfil-e-rindāñ judā hai shaiḳh

har ek muġhbacha yahāñ kasr-e-farosh hai

saaqī kī ek nazar hī hameñ mast kar ga.ī

kis ko surāhī-o-ḳham-o-sāġhar kā hosh hai

amrit ke jhāle mar kiyā lā-taqnatū kī haiñ

is bazm meñ ye mashġhala-e-nāo-nosh hai

'kaifī' ye ahl-e-dahr se kah do pukār kar

is bazm meñ vo aa.e ki jo sarfarosh hai

jis ko KHabar nahin use josh-o-KHarosh hai

jo pa gaya wo raaz wo gum hai KHamosh hai

hai ek shor-e-bulbul-o-saut-e-shagufta-gul

ye surat-e-afiyat hai wo yasin-e-hosh hai

aai thi shakl dil ke jo aaina mein nazar

band aankh is se aur zaban bhi KHamosh hai

ye haal ho ki aap mein aalam ko dekh le

gar dil mein tere ishq ki kasrat ka josh hai

kab hai kamal-e-ishq pe hawi gham-e-firaq

ek ek zarra qais ko mahmil ba-dosh hai

warafta-e-hawa-e-tarab yaad rakh use

jo dard ki khaTak hai nawed-e-sharosh hai

barq-e-jamal nafe-e-ma-o-shuma hui

kya zikr-e-sham-e-tur ki wo bhi KHamosh hai

kya hai tera hudus-o-qidam hum to hain wahan

hasti jahan adam ke liye KHwab-nosh hai

ushshaq jama pahne hain taslim-e-ishq ka

dastar-o-jubba shaiKH ka han parda-posh hai

tere jahan se mahfil-e-rindan juda hai shaiKH

har ek mughbacha yahan kasr-e-farosh hai

saqi ki ek nazar hi hamein mast kar gai

kis ko surahi-o-KHam-o-saghar ka hosh hai

amrit ke jhaale mar kiya la-taqnatu ki hain

is bazm mein ye mashghala-e-nao-nosh hai

'kaifi' ye ahl-e-dahr se kah do pukar kar

is bazm mein wo aae ki jo sarfarosh hai