جس کو لگیا اے شوخ تمارا ادھر لذیذ

جس کو لگیا اے شوخ تمارا ادھر لذیذ

اس کوں ہوئی ہے تلخ جئے لگ شکر لذیذ

پرتو پڑیا ہے قد کا تیرے اس سبب سیتے

ہے نیشکر کا آج سراپا شجر لذیذ

شیریں لباں یو جا کے زمیں میں سمائے کر

اس فیض کے کدن سوں ہوا ہے ثمر لذیذ

سایہ پڑے تو تجھ سے شکر لب کا شک نیں

حنظل کا ہوئے تمام اگر بیخ و بر لذیذ

مکھ کا طواف کر کے رکھیا خال پر ادھر

ہے بس کہ یار بوسۂ اسود حجر لذیذ

دلبر کا دیکھنے کا جسے عزم جزم ہے

اس کوں بجائے مئے کے ہے خون جگر لذیذ

کل رات مئے پیاسو اے فدویؔ وو گلغدار

باقی رہیا انکھیاں منے اس کے اثر لذیذ