jis ko pas usne biThaya ek din

jis ko paas us ne biThāyā ek din

us ko duniyā se uThāyā ek din

vasl kī shab dekhte us maah ko

saal meñ bhī vo na aayā ek din

sub.h-e-naumīdī hamārī shab kī hai

umr guzrī vo na aayā ek din

kaam meñ mere hamesha yaar ne

ek saa.at kā lagāyā ek din

misl-e-barq ik shab hañsāyā aap ne

abr kī sūrat rulāyā ek din

yād-e-zulf-o-ruḳh meñ bhūle ḳhvāb-o-ḳhur

ek shab so.e na khāyā ek din

vo tap-e-larza kā daura ho gayā

ek din aayā na aayā ek din

yaad jis ḳhurshīd-rū kī hai 'vaqār'

bhuul kar bhī vo na aayā ek din

jis ko pas us ne biThaya ek din

us ko duniya se uThaya ek din

wasl ki shab dekhte us mah ko

sal mein bhi wo na aaya ek din

subh-e-naumidi hamari shab ki hai

umr guzri wo na aaya ek din

kaam mein mere hamesha yar ne

ek saat ka lagaya ek din

misl-e-barq ek shab hansaya aap ne

abr ki surat rulaya ek din

yaad-e-zulf-o-ruKH mein bhule KHwab-o-KHur

ek shab soe na khaya ek din

wo tap-e-larza ka daura ho gaya

ek din aaya na aaya ek din

yaad jis KHurshid-ru ki hai 'waqar'

bhul kar bhi wo na aaya ek din