jis roz tere hijr se fursat mein rahunga
jis roz tire hijr se fursat meñ rahūñgā
mālūm nahīñ kaun sī vahshat meñ rahūñgā
kuchh der rahūñgā kisī taare ke jilau meñ
kuchh der kisī ḳhvāb kī ḳhalvat meñ rahūñgā
ḳhāmosh khaḌā huuñ maiñ dar-e-ḳhvāb se bāhar
kyā jāniye kab tak isī hālat meñ rahūñgā
kuchh roz abhī aur hai ye ā.ina-ḳhāna
kuchh roz abhī aur maiñ hairat meñ rahūñgā
dil meñ jo ye ehsās kī koñpal sī khulī hai
tā-der 'nadīm' us kī masarrat meñ rahūñgā
jis roz tere hijr se fursat mein rahunga
malum nahin kaun si wahshat mein rahunga
kuchh der rahunga kisi tare ke jilau mein
kuchh der kisi KHwab ki KHalwat mein rahunga
KHamosh khaDa hun main dar-e-KHwab se bahar
kya jaaniye kab tak isi haalat mein rahunga
kuchh roz abhi aur hai ye aaina-KHana
kuchh roz abhi aur main hairat mein rahunga
dil mein jo ye ehsas ki konpal si khuli hai
ta-der 'nadim' us ki masarrat mein rahunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
