jis tarah ashk chashm-e-tar se gire

jis tarah ashk chashm-e-tar se gire

yuuñ hī ham aap kī nazar se gire

be-takalluf gale lagā leñ ham

kaash ḳhanjar tirī kamar se gire

ruḳh se Tapke jo qatr-hā-e-araq

phuul se dāman-e-sahar se gire

na to sayyād hai na kunj-e-qafas

kahīñ bijlī meñ abr-e-tar se gire

dekh kar shakl un kī ai 'raunaq'

mahr-o-mah bhī mirī nazar se gire

jis tarah ashk chashm-e-tar se gire

yun hi hum aap ki nazar se gire

be-takalluf gale laga len hum

kash KHanjar teri kamar se gire

ruKH se Tapke jo qatr-ha-e-araq

phul se daman-e-sahar se gire

na to sayyaad hai na kunj-e-qafas

kahin bijli mein abr-e-tar se gire

dekh kar shakl un ki ai 'raunaq'

mahr-o-mah bhi meri nazar se gire