jism ki har baat hai aawargi ye mat kaho
jism kī har baat hai āvārgī ye mat kaho
ham bhī kar sakte haiñ aisī shā.erī ye mat kaho
us nazar kī us badan kī gungunāhaT to suno
ek sī hotī hai har ik rāgnī ye mat kaho
ham se dīvānoñ ke bin duniyā sañvartī kis tarah
aql ke aage hai kyā dīvāngī ye mat kaho
kaT sakī haiñ aaj tak sone kī zanjīreñ kahāñ
ham bhī ab āzād haiñ yaaro abhī ye mat kaho
paañv itne tez haiñ uThte nazar aate nahīñ
aaj thak kar rah gayā hai aadmī ye mat kaho
jitne va.ade kal the utne aaj bhī maujūd haiñ
un ke va.adoñ meñ huī hai kuchh kamī ye mat kaho
dil meñ apne dard kī chhiTkī huī hai chāñdnī
har taraf phailī huī hai tīrgī ye mat kaho
jism ki har baat hai aawargi ye mat kaho
hum bhi kar sakte hain aisi shaeri ye mat kaho
us nazar ki us badan ki gungunahaT to suno
ek si hoti hai har ek ragni ye mat kaho
hum se diwanon ke bin duniya sanwarti kis tarah
aql ke aage hai kya diwangi ye mat kaho
kaT saki hain aaj tak sone ki zanjiren kahan
hum bhi ab aazad hain yaro abhi ye mat kaho
panw itne tez hain uThte nazar aate nahin
aaj thak kar rah gaya hai aadmi ye mat kaho
jitne wade kal the utne aaj bhi maujud hain
un ke wadon mein hui hai kuchh kami ye mat kaho
dil mein apne dard ki chhiTki hui hai chandni
har taraf phaili hui hai tirgi ye mat kaho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
