jism ki qaid se ek roz guzar jaoge

jism kī qaid se ik roz guzar jāoge

ḳhushk pattoñ kī tarah tum bhī bikhar jāoge

tum samundar kī rifāqat pe bharosa na karo

tishnagī lab pe sajā.e hue mar jāoge

vaqt is tarah badal degā tumhāre ḳhad-o-ḳhāl

apnī tasvīr jo dekhoge to Dar jāoge

jism ki qaid se ek roz guzar jaoge

KHushk patton ki tarah tum bhi bikhar jaoge

tum samundar ki rifaqat pe bharosa na karo

tishnagi lab pe sajae hue mar jaoge

waqt is tarah badal dega tumhaare KHad-o-KHal

apni taswir jo dekhoge to Dar jaoge