jism shoala hai jabhi jama-e-sada pahna

jism sho.ala hai jabhī jāma-e-sāda pahnā

mere sūraj ne bhī bādal kā labāda pahnā

silvaTeñ haiñ mire chehre pe to hairat kyuuñ hai

zindagī ne mujhe kuchh tum se ziyāda pahnā

ḳhvāhisheñ yuuñ hī barahna hoñ to jal-bujhtī haiñ

apnī chāhat ko kabhī koī irāda pahnā

yaar ḳhush haiñ ki unheñ jāma-e-ehrām milā

log hañste haiñ ki qāmat se ziyāda pahnā

yār-e-paimāñ-shikan aa.e agar ab ke to use

koī zanjīr-e-vafā ai shab-e-va.ada pahnā

ġhairat-e-ishq to maane thī magar maiñ ne 'farāz'

dost kā tauq sar-e-mahfil-e-ādā pahnā

jism shoala hai jabhi jama-e-sada pahna

mere suraj ne bhi baadal ka labaada pahna

silwaTen hain mere chehre pe to hairat kyun hai

zindagi ne mujhe kuchh tum se ziyaada pahna

KHwahishen yun hi barahna hon to jal-bujhti hain

apni chahat ko kabhi koi irada pahna

yar KHush hain ki unhen jama-e-ehram mila

log hanste hain ki qamat se ziyaada pahna

yar-e-paiman-shikan aae agar ab ke to use

koi zanjir-e-wafa ai shab-e-wada pahna

ghairat-e-ishq to mane thi magar main ne 'faraaz'

dost ka tauq sar-e-mahfil-e-ada pahna