jitne bhi aae zinat-e-bazar ho gae

jitne bhī aa.e zīnat-e-bāzār ho ga.e

ik ham hī the jo sāhib-e-kirdār ho ga.e

jhūToñ pe tere shahr meñ ilzām tak nahīñ

aur ham ne sach kahā to gunahgār ho ga.e

jab bhī kahīñ charāġh jalā hai sukūt-e-shab

sab log āñdhiy.oñ ke taraf-dār ho ga.e

vo zālimoñ ke saath haiñ mazlūm be-amāñ

kaise hamāre ahd ke aḳhbār ho ga.e

ḳhatre meñ hai ab apne qabīle kī aabrū

jo muḳhbiroñ meñ the vahī sardār ho ga.e

Tapkā lahū 'nafas' ke badan se to yuuñ huā

qatre jahāñ-jahāñ gire ash'ār ho ga.e

jitne bhi aae zinat-e-bazar ho gae

ek hum hi the jo sahib-e-kirdar ho gae

jhuTon pe tere shahr mein ilzam tak nahin

aur hum ne sach kaha to gunahgar ho gae

jab bhi kahin charagh jala hai sukut-e-shab

sab log aandhiyon ke taraf-dar ho gae

wo zalimon ke sath hain mazlum be-aman

kaise hamare ahd ke aKHbar ho gae

KHatre mein hai ab apne qabile ki aabru

jo muKHbiron mein the wahi sardar ho gae

Tapka lahu 'nafas' ke badan se to yun hua

qatre jahan-jahan gire ash'ar ho gae