jo aa sako to batao ki intizar karen

jo aa sako to batāo ki intizār kareñ

vagarna apne muqaddar pe e.atibār kareñ

charāġh-e-ḳhāna-e-ummīd hai abhī raushan

abhī na tark-e-ta.alluq ko iḳhtiyār kareñ

hamāre tūl-e-masāfat kā ye taqāzā hai

sharīk-e-hāl tujhe ai ḳhayāl-e-yār kareñ

ye gul-ruḳhoñ kā hai sheva ba-nām-e-nāz-o-adā

nigāh-e-āshiq-e-bismil ko ashk-bār kareñ

ye ahl-e-ishq ko zebā nahīñ sar-e-bāzār

junūñ ke naam pe dāmāñ ko taar taar kareñ

hamāre ābā-o-ajdād kā ye virsa hai

zamīn-e-dasht ko sarmāya-e-bahār kareñ

javāz-e-zindagī Thahrī hai jis kī yaad 'ra.īs'

usī se dil ke ta.alluq ko ustuvār kareñ

jo aa sako to batao ki intizar karen

wagarna apne muqaddar pe eatibar karen

charagh-e-KHana-e-ummid hai abhi raushan

abhi na tark-e-talluq ko iKHtiyar karen

hamare tul-e-masafat ka ye taqaza hai

sharik-e-haal tujhe ai KHayal-e-yar karen

ye gul-ruKHon ka hai shewa ba-nam-e-naz-o-ada

nigah-e-ashiq-e-bismil ko ashk-bar karen

ye ahl-e-ishq ko zeba nahin sar-e-bazar

junun ke nam pe daman ko tar tar karen

hamare aaba-o-ajdad ka ye wirsa hai

zamin-e-dasht ko sarmaya-e-bahaar karen

jawaz-e-zindagi Thahri hai jis ki yaad 'rais'

usi se dil ke talluq ko ustuwar karen