jo ada hai be-aman hai aaj-kal

jo adā hai be-amāñ hai āj-kal

mere dil kā imtihāñ hai āj-kal

multafit barq-e-tapāñ hai āj-kal

shāḳh-e-gul par āshiyāñ hai āj-kal

ik junūn-e-justujū meñ be-jihat

jāda-paimāñ kārvāñ hai āj-kal

har qadam uThtā hai manzil kī taraf

ishq mīr-e-kārvāñ hai āj-kal

koī barq-e-sho.ala-zan hī ai falak

zindagī ḳhvāb-e-girāñ hai āj-kal

kaun suntā hai kisī kī dāstāñ

apnī apnī dāstāñ hai āj-kal

ishrat-e-fasl-e-bahārāñ al-amāñ

bijliyoñ meñ āshiyāñ hai āj-kal

hazrat-e-'tālib' haiñ kuchh kho.e hue

koī shāyad mehrbāñ hai āj-kal

jo ada hai be-aman hai aaj-kal

mere dil ka imtihan hai aaj-kal

multafit barq-e-tapan hai aaj-kal

shaKH-e-gul par aashiyan hai aaj-kal

ek junun-e-justuju mein be-jihat

jada-paiman karwan hai aaj-kal

har qadam uThta hai manzil ki taraf

ishq mir-e-karwan hai aaj-kal

koi barq-e-shoala-zan hi ai falak

zindagi KHwab-e-giran hai aaj-kal

kaun sunta hai kisi ki dastan

apni apni dastan hai aaj-kal

ishrat-e-fasl-e-bahaaran al-aman

bijliyon mein aashiyan hai aaj-kal

hazrat-e-'talib' hain kuchh khoe hue

koi shayad mehrban hai aaj-kal