jo baat tujhse chahi hai apna mizaj aaj

jo baat tujh se chāhī hai apnā mizāj aaj

qurbān terī kal pe na Taal aaj aaj aaj

dahkī hai aag dil meñ paḌe ishtiyāq kī

tere sivā.e kis se ho is kā ilaaj aaj

hai fauj fauj-e-ġhamza-o-andāz tere saath

aqlīm-e-nāz kā hai tujhe taḳht-o-tāj aaj

terā vo husn hai ki jo hotā to bhejtā

yūsuf zamīn-e-misr se tujh ko ḳhirāj aaj

ḳhūbān-e-rozgār muqallid tire haiñ sab

jo chiiz tū kare so vo paave rivāj aaj

āb-e-zulāl-e-vasl se andoh-e-dard-o-hijr

nāpaid ghul ke hotā hai kyā misl-e-zāj aaj

'inshā' se apne aur ye inkār haif hai

laayā hai vo kabhī na kabhī ehtiyāj aaj

jo baat tujh se chahi hai apna mizaj aaj

qurban teri kal pe na Tal aaj aaj aaj

dahki hai aag dil mein paDe ishtiyaq ki

tere siwae kis se ho is ka ilaj aaj

hai fauj fauj-e-ghamza-o-andaz tere sath

aqlim-e-naz ka hai tujhe taKHt-o-taj aaj

tera wo husn hai ki jo hota to bhejta

yusuf zamin-e-misr se tujh ko KHiraj aaj

KHuban-e-rozgar muqallid tere hain sab

jo chiz tu kare so wo pawe riwaj aaj

aab-e-zulal-e-wasl se andoh-e-dard-o-hijr

napaid ghul ke hota hai kya misl-e-zaj aaj

'insha' se apne aur ye inkar haif hai

laya hai wo kabhi na kabhi ehtiyaj aaj