jo bhi milta hai usi ko pujne lagta hun main

jo bhī miltā hai usī ko pūjne lagtā huuñ maiñ

kyā karūñ majbūriyoñ haiñ gaañv se aayā huuñ maiñ

kal bhī ehsāsāt ke sho.aloñ pe thā merā vajūd

aaj bhī har lamha sone kī tarah lagtā huuñ maiñ

mujh se hī qaa.em hai ab tak terā tahzībī vaqār

toḌ mat mujh ko ki ghar kā sadr darvāza huuñ maiñ

maiñ tire sāhil pe aayā huuñ ki dekhūñ terā zarf

ai samundar tujh se kis ne kah diyā pyāsā huuñ maiñ

saañs tak lenā bhī hai dushvār jab is shahr meñ

zindagī tujh par mirā ehsān hai zinda huuñ maiñ

laakh buniyādoñ meñ tū ne Dhak ke rakkhā hai mujhe

ai havelī ke khañDar ab bhī tarah hissa huuñ maiñ

maiñ ba-zid huuñ us pe ki sab mujh ko samjheñ ā.īna

jabki ā.īna ba-ḳhūbī jāntā hai kyā huuñ maiñ

jo bhi milta hai usi ko pujne lagta hun main

kya karun majburiyon hain ganw se aaya hun main

kal bhi ehsasat ke shoalon pe tha mera wajud

aaj bhi har lamha sone ki tarah lagta hun main

mujh se hi qaem hai ab tak tera tahzibi waqar

toD mat mujh ko ki ghar ka sadr darwaza hun main

main tere sahil pe aaya hun ki dekhun tera zarf

ai samundar tujh se kis ne kah diya pyasa hun main

sans tak lena bhi hai dushwar jab is shahr mein

zindagi tujh par mera ehsan hai zinda hun main

lakh buniyaadon mein tu ne Dhak ke rakkha hai mujhe

ai haweli ke khanDar ab bhi tarah hissa hun main

main ba-zid hun us pe ki sab mujh ko samjhen aaina

jabki aaina ba-KHubi jaanta hai kya hun main