jo dushman hai use hamdam na samjho

jo dushman hai use hamdam na samjho

namak ko zaḳhm kā marham na samjho

sukūñ miltā hai dil se dil ko lekin

har ik sāġhar ko jām-e-jam na samjho

jo pī loge to miT jaanā paḌegā

ye hai zahrāb-e-ġham zamzam na samjho

tum apne dāman-e-hirs-o-havas ko

misāl-e-dāman-e-mariyam na samjho

na ho apnī ḳhatāoñ par jo nādim

use ham-mashrab-e-ādam na samjho

qarīna ye bhī hai iz.hār-e-ġham kā

tabassum ko harīf-e-ġham na samjho

hoñ zarre laakh raushan phir bhī un ko

javāb-e-nayyar-e-āzam na samjho

ghaTā ġham kī hai rū-e-zindagī par

fazā-e-gesū-e-barham na samjho

qayāmat haiñ 'azīz' un kī adā.eñ

kisī ko bhī kisī se kam na samjho

jo dushman hai use hamdam na samjho

namak ko zaKHm ka marham na samjho

sukun milta hai dil se dil ko lekin

har ek saghar ko jam-e-jam na samjho

jo pi loge to miT jaana paDega

ye hai zahrab-e-gham zamzam na samjho

tum apne daman-e-hirs-o-hawas ko

misal-e-daman-e-mariyam na samjho

na ho apni KHataon par jo nadim

use ham-mashrab-e-adam na samjho

qarina ye bhi hai izhaar-e-gham ka

tabassum ko harif-e-gham na samjho

hon zarre lakh raushan phir bhi un ko

jawab-e-nayyar-e-azam na samjho

ghaTa gham ki hai ru-e-zindagi par

faza-e-gesu-e-barham na samjho

qayamat hain 'aziz' un ki adaen

kisi ko bhi kisi se kam na samjho