jo hai arsh par wahi farsh par koi KHas us ka makan nahin

jo hai 'arsh par vahī farsh par koī ḳhaas us kā makāñ nahīñ

vo yahāñ bhī hai vo vahāñ bhī hai vo kahīñ nahīñ vo kahāñ nahīñ

ye nasīb tere shahīd kā ki kamāl-e-shauq thā diid kā

jo gilā bhī hai to vo tar nahīñ jo chhurī bhī har to ravāñ nahīñ

maiñ vo sarv-e-bāġh-e-vajūd huuñ maiñ vo gul huuñ sham'-e-hayāt kā

jise fasl-e-gul kī ḳhushī nahīñ jise ranj-e-bād-e-ḳhizāñ nahīñ

jo uThe to siina ubhār kar jo chale to Thokareñ maar kar

na.e aap hī to javān haiñ koī kyā jahāñ meñ javāñ nahīñ

kidhar uḌ gayā mirā qāfila ki zamīn phaT ke samā gayā

na ġhubār uThā na jaras bajā kahīñ naqsh-e-pā kā nishāñ nahīñ

ye mai-e-farñg kī kashtiyāñ bhī safīna-hā-e-najāt haiñ

kabhī us kā beḌā na paar ho jo murīd-e-pīr-e-muġhāñ nahīñ

uTho 'qadr' un pe na jaan do ajī jaan hai to jahān hai

koī kaam aisā bhī kartā hai are miyāñ nahīñ are miyāñ nahīñ

jo hai 'arsh par wahi farsh par koi KHas us ka makan nahin

wo yahan bhi hai wo wahan bhi hai wo kahin nahin wo kahan nahin

ye nasib tere shahid ka ki kamal-e-shauq tha did ka

jo gila bhi hai to wo tar nahin jo chhuri bhi har to rawan nahin

main wo sarw-e-bagh-e-wajud hun main wo gul hun sham'-e-hayat ka

jise fasl-e-gul ki KHushi nahin jise ranj-e-baad-e-KHizan nahin

jo uThe to sina ubhaar kar jo chale to Thokaren mar kar

nae aap hi to jawan hain koi kya jahan mein jawan nahin

kidhar uD gaya mera qafila ki zamin phaT ke sama gaya

na ghubar uTha na jaras baja kahin naqsh-e-pa ka nishan nahin

ye mai-e-farng ki kashtiyan bhi safina-ha-e-najat hain

kabhi us ka beDa na par ho jo murid-e-pir-e-mughan nahin

uTho 'qadr' un pe na jaan do aji jaan hai to jahan hai

koi kaam aisa bhi karta hai are miyan nahin are miyan nahin