jo hamein chahe uske chaakir hain

jo hameñ chāhe us ke chākir haiñ

yār-e-shātir na bār-e-ḳhātir haiñ

yaad hai ham se pyaar se kahnā

tujh se ham sab tarah se hāzir haiñ

dil uThāveñge tujh se tā-maqdūr

sabr karne pe go na qādir haiñ

yaar o āshiq baham muāfiq hoñ

ittifāq aise shāz-o-nādir haiñ

vasl kī bin na aa.ī kuchh tadbīr

ham se kam āshiqoñ meñ bad-bir haiñ

kuchh qusūr apnī bandagī meñ nahīñ

bandagī se agar muqassir haiñ

'hasrat' ishq-e-butāñ se maañg amaañ

jitne haiñ sab ye saḳht kāfir haiñ

jo hamein chahe us ke chaakir hain

yar-e-shatir na bar-e-KHatir hain

yaad hai hum se pyar se kahna

tujh se hum sab tarah se hazir hain

dil uThawenge tujh se ta-maqdur

sabr karne pe go na qadir hain

yar o aashiq baham muafiq hon

ittifaq aise shaz-o-nadir hain

wasl ki bin na aai kuchh tadbir

hum se kam aashiqon mein bad-bir hain

kuchh qusur apni bandagi mein nahin

bandagi se agar muqassir hain

'hasrat' ishq-e-butan se mang aman

jitne hain sab ye saKHt kafir hain