jo hazrat-e-shaiKH farmaen mohabbat

jo hazrat-e-shaiḳh farmā.eñ mohabbat

sabhī ko ḳhuub samjhā.eñ mohabbat

zarūrī to nahīñ ham zindagī meñ

mohabbat kā samar paa.eñ mohabbat

mujhe gherā huā hai nafratoñ ne

na daa.eñ hai na hai baa.eñ mohabbat

hamārā mashvara hai har kisī ko

ki nafrat bech kar laa.eñ mohabbat

mujhe hāthoñ ko un ke chūmnā hai

vo ḳhush haiñ ki jo jo paa.eñ mohabbat

nahīñ gar lāzmī to iḳhtiyārī

nayā mazmūn rakhvā.eñ mohabbat

vo jis ke gaal pe chhoTā sā til hai

usī laḌkī ko samjhā.eñ mohabbat

zamīn-o-āsmāñ ko chhān maarā

kahāñ se DhūñD kar laa.eñ mohabbat

chalo ham jā ke dillī meñ raheñ ab

ugā.eñ pyaar aur khā.eñ mohabbat

jo hazrat-e-shaiKH farmaen mohabbat

sabhi ko KHub samjhaen mohabbat

zaruri to nahin hum zindagi mein

mohabbat ka samar paen mohabbat

mujhe ghera hua hai nafraton ne

na daen hai na hai baen mohabbat

hamara mashwara hai har kisi ko

ki nafrat bech kar laen mohabbat

mujhe hathon ko un ke chumna hai

wo KHush hain ki jo jo paen mohabbat

nahin gar lazmi to iKHtiyari

naya mazmun rakhwaen mohabbat

wo jis ke gal pe chhoTa sa til hai

usi laDki ko samjhaen mohabbat

zamin-o-asman ko chhan mara

kahan se DhunD kar laen mohabbat

chalo hum ja ke dilli mein rahen ab

ugaen pyar aur khaen mohabbat