jo jalwa zar-e-husn tha wo dil nahin raha

jo jalva zār-e-husn thā vo dil nahīñ rahā

ā.īna to hai jauhar-e-qābil nahīñ rahā

maiñ lutf-e-iltifāt ke qābil nahīñ rahā

phir bhī to mujh se vo kabhī ġhāfil nahīñ rahā

vo aur mujh se tark-e-ta.alluq nahīñ nahīñ

mere hī dil meñ jazba-e-sīmīñ nahīñ rahā

uThtī thī jis se mauj-e-talab par nafas ke saath

vo josh-e-be-qarārī-e-sā.il nahīñ rahā

ġham hī magar nasīb kahāñ ab nashāt-e-ġham

'kaukab' vo rañg valvala-e-dil nahīñ rahā

jo jalwa zar-e-husn tha wo dil nahin raha

aaina to hai jauhar-e-qabil nahin raha

main lutf-e-iltifat ke qabil nahin raha

phir bhi to mujh se wo kabhi ghafil nahin raha

wo aur mujh se tark-e-talluq nahin nahin

mere hi dil mein jazba-e-simin nahin raha

uThti thi jis se mauj-e-talab par nafas ke sath

wo josh-e-be-qarari-e-sail nahin raha

gham hi magar nasib kahan ab nashat-e-gham

'kaukab' wo rang walwala-e-dil nahin raha