jo karwan mein hai shamil na rahguzar mein hai

Khalida Uzma

jo karwan mein hai shamil na rahguzar mein hai

Khalida Uzma

MORE BY Khalida Uzma

    jo kārvāñ meñ hai shāmil na rahguzār meñ hai

    vo shaḳhs merī tamannāoñ ke dayār meñ hai

    sahar-shanās andhere ki shab-gazīda sahar

    na vo nigāh meñ apnī na ye shumār meñ hai

    ye kyā ḳhalish hai ki lau de rahī hai jazboñ ko

    na jaane kaun sho.ala mere sharār meñ hai

    basī hai sūkhe gulāboñ baat sāñsoñ meñ

    koī ḳhayāl kisī yaad ke hisār meñ hai

    rachī huī hai fazāoñ meñ kis ke ḳhuun

    ye kaisā jashn-e-bahārāñ mire dayār meñ hai

    na jaane kaun se jhoñke se jal-bujhūñ 'uzma'

    mirā vajūd havāoñ ke kār-zār meñ hai

    jo karwan mein hai shamil na rahguzar mein hai

    wo shaKHs meri tamannaon ke dayar mein hai

    sahar-shanas andhere ki shab-gazida sahar

    na wo nigah mein apni na ye shumar mein hai

    ye kya KHalish hai ki lau de rahi hai jazbon ko

    na jaane kaun sa shoala mere sharar mein hai

    basi hai sukhe gulabon ki baat sanson mein

    koi KHayal kisi yaad ke hisar mein hai

    rachi hui hai fazaon mein kis ke KHun ki bu

    ye kaisa jashn-e-bahaaran mere dayar mein hai

    na jaane kaun se jhonke se jal-bujhun 'uzma'

    mera wajud hawaon ke kar-zar mein hai

    Source:

    • Book: Sitara Pas e Mizgaan (Pg. 55)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites