jo kahte hain kidhar diwangi hai

jo kahte haiñ kidhar dīvāngī hai

unhīñ kī ham-safar dīvāngī hai

tavakkul be-niyāzī saath hoñ to

ġham-e-dīvār-o-dar dīvāngī hai

sisakte ḳhvāb āñkhoñ meñ basā kar

sitāroñ par nazar dīvāngī hai

kamāl-e-ādmī āgāhī-e-kal

ma.āl-e-dīda-var dīvāngī hai

duā.eñ bā.is-e-taskīñ haiñ lekin

tamannā-e-asar dīvāngī hai

havā.eñ tiir kī mānind hoñ jab

yaqīn-e-bāl-o-par dīvāngī hai

ye shahr-e-tājirān-e-dād-e-dil hai

talāsh-e-chāragar dīvāngī hai

jo kahte hain kidhar diwangi hai

unhin ki ham-safar diwangi hai

tawakkul be-niyazi sath hon to

gham-e-diwar-o-dar diwangi hai

sisakte KHwab aankhon mein basa kar

sitaron par nazar diwangi hai

kamal-e-admi aagahi-e-kal

maal-e-dida-war diwangi hai

duaen bais-e-taskin hain lekin

tamanna-e-asar diwangi hai

hawaen tir ki manind hon jab

yaqin-e-baal-o-par diwangi hai

ye shahr-e-tajiran-e-dad-e-dil hai

talash-e-chaaragar diwangi hai