jo KHas-e-badan tha jala bahut kai nikhaton ki talash mein

jo ḳhas-e-badan thā jalā bahut ka.ī nik.hatoñ kī talāsh meñ

maiñ tamām logoñ se mil chukā tirī qurbatoñ kī talāsh meñ

tirī aañkh se mirī aañkh tak faqat ek manzar-e-ḳhāk hai

vahī shām-e-tīra-sarisht sī milī muddatoñ kī talāsh meñ

koī ḳhvāb sar se pare rahā ye safar sarāb-e-safar rahā

maiñ shanāḳht apnī gañvā chukā ga.ī sūratoñ kī talāsh meñ

ye jo jhāñktī hai nafas nafas koī mauj-e-ḳhūñ sī uThī huī

bane zindagī kī na qatl-gah kahīñ vahshatoñ kī talāsh meñ

mire zaḳhm ab tū siyegā kyā mire āñ.suoñ ko piyegā kyā

tire zā.iqe hī badal ga.e na.ī lazzatoñ kī talāsh meñ

jo KHas-e-badan tha jala bahut kai nikhaton ki talash mein

main tamam logon se mil chuka teri qurbaton ki talash mein

teri aankh se meri aankh tak faqat ek manzar-e-KHak hai

wahi sham-e-tira-sarisht si mili muddaton ki talash mein

koi KHwab sar se pare raha ye safar sarab-e-safar raha

main shanaKHt apni ganwa chuka gai suraton ki talash mein

ye jo jhankti hai nafas nafas koi mauj-e-KHun si uThi hui

bane zindagi ki na qatl-gah kahin wahshaton ki talash mein

mere zaKHm ab tu siyega kya mere aansuon ko piyega kya

tere zaiqe hi badal gae nai lazzaton ki talash mein