jo KHayal the na qayas the wahi log mujhse bichhaD gae

jo ḳhayāl the na qayās the vahī log mujh se bichhaḌ ga.e

jo mohabbatoñ kī asaas the vahī log mujh se bichhaḌ ga.e

jinheñ māntā hī nahīñ ye dil vahī log mere haiñ ham-safar

mujhe har tarah se jo raas the vahī log mujh se bichhaḌ ga.e

mujhe lamha-bhar kī rafāqatoñ ke sarāb aur satā.eñge

mirī umr-bhar kī jo pyaas the vahī log mujh se bichhaḌ ga.e

ye ḳhayāl saare haiñ aarzī ye gulāb saare haiñ kāġhzī

gul-e-ārzū kī jo baas the vahī log mujh se bichhaḌ ga.e

jinheñ kar sakā na qubūl maiñ vo sharīk-e-rāh-e-safar hue

jo mirī talab mirī aas the vahī log mujh se bichhaḌ ga.e

mirī dhaḌkanoñ ke qarīb the mirī chaah the mirā ḳhvāb the

vo jo roz-o-shab mire paas the vahī log mujh se bichhaḌ ga.e

jo KHayal the na qayas the wahi log mujh se bichhaD gae

jo mohabbaton ki asas the wahi log mujh se bichhaD gae

jinhen manta hi nahin ye dil wahi log mere hain ham-safar

mujhe har tarah se jo ras the wahi log mujh se bichhaD gae

mujhe lamha-bhar ki rafaqaton ke sarab aur sataenge

meri umr-bhar ki jo pyas the wahi log mujh se bichhaD gae

ye KHayal sare hain aarzi ye gulab sare hain kaghzi

gul-e-arzu ki jo bas the wahi log mujh se bichhaD gae

jinhen kar saka na qubul main wo sharik-e-rah-e-safar hue

jo meri talab meri aas the wahi log mujh se bichhaD gae

meri dhaDkanon ke qarib the meri chah the mera KHwab the

wo jo roz-o-shab mere pas the wahi log mujh se bichhaD gae