jo KHush-nasib huzuri mein ja nikalta hai

jo ḳhush-nasīb huzūrī meñ jā nikaltā hai

laboñ se naġhma-e-sall-e-alā nikaltā hai

mohabbatoñ kā ajab shahr hai madīna bhī

har ek shaḳhs jahāñ āshnā nikaltā hai

nigāh-e-shauq ko miltā hai izn-e-goyā.ī

ḳhamoshiyoñ meñ bhī ik mudda.ā nikaltā hai

ajab muraqqā-e-dilkash hai yād-e-shahr-e-nabī

hazār rang jahāñ na.at kā nikaltā hai

bikher detā hai qirtās par guhar-pāre

qalam se jab mire harf-e-sanā nikaltā hai

janāb-e-rahmat-e-ālam kā faiz hai 'hāfiz'

har ek sher se mazmūñ nayā nikaltā hai

jo KHush-nasib huzuri mein ja nikalta hai

labon se naghma-e-sall-e-ala nikalta hai

mohabbaton ka ajab shahr hai madina bhi

har ek shaKHs jahan aashna nikalta hai

nigah-e-shauq ko milta hai izn-e-goyai

KHamoshiyon mein bhi ek muddaa nikalta hai

ajab muraqqa-e-dilkash hai yaad-e-shahr-e-nabi

hazar rang jahan nat ka nikalta hai

bikher deta hai qirtas par guhar-pare

qalam se jab mere harf-e-sana nikalta hai

janab-e-rahmat-e-alam ka faiz hai 'hafiz'

har ek sher se mazmun naya nikalta hai