jo mai-kade se bhi daman bacha bacha ke chale

jo mai-kade se bhī dāman bachā bachā ke chale

tirī galī se jo guzre to laḌkhaḌā ke chale

hameñ bhī qissa-e-dār-o-rasan se nisbat hai

faqīh-e-shahr se kah do nazar milā ke chale

koī to jaane ki guzrī hai dil pe kyā jab bhī

ḳhizāñ ke baaġh meñ jhoñke ḳhunuk havā ke chale

ab e'tirāf-e-jafā aur kis tarah hogā

ki terī bazm meñ qisse mirī vafā ke chale

hazār hoñT mile hoñ to kyā fasāna-e-dil

sunāne vaale nigāhoñ se bhī sunā ke chale

kahīñ surāġh-e-chaman mil hī jā.egā 'rāhat'

chalo udhar ko jidhar qāfile sabā ke chale

jo mai-kade se bhi daman bacha bacha ke chale

teri gali se jo guzre to laDkhaDa ke chale

hamein bhi qissa-e-dar-o-rasan se nisbat hai

faqih-e-shahr se kah do nazar mila ke chale

koi to jaane ki guzri hai dil pe kya jab bhi

KHizan ke bagh mein jhonke KHunuk hawa ke chale

ab e'tiraf-e-jafa aur kis tarah hoga

ki teri bazm mein qisse meri wafa ke chale

hazar honT mile hon to kya fasana-e-dil

sunane wale nigahon se bhi suna ke chale

kahin suragh-e-chaman mil hi jaega 'rahat'

chalo udhar ko jidhar qafile saba ke chale