jo mai-KHane mein jata tha qadam rakhte jhijhakta tha

jo mai-ḳhāne meñ jaatā thā qadam rakhte jhijhaktā thā

ki sāġhar aañkh dikhlātā thā aur shīsha bhabhaktā thā

tamāsha ho rahā thā abr meñ rone se kyā mere

udhar paanī barastā thā idhar lohū Tapaktā thā

baḌā ehsāñ kiyā jo dil ko mere khīñch kar kāḌhā

ki muddat se mire siine meñ juuñ kāñTā khaTaktā thā

tire kūche meñ maiñ ne aaj dasht-e-karbalā dekhā

koī maarā paḌā thā aur paḌā koī sisaktā thā

gayā thā teliyā kapḌoñ se tū ā.īna-ḳhāne meñ

ki ab tak ḳhāna-e-ā.īna us bū se mahaktā thā

mazā lene ke ta.iiñ shīrīñ-maqālī kā tirī 'hātim'

khaḌā muñh ko adab se duur nādīda sā taktā thā

jo mai-KHane mein jata tha qadam rakhte jhijhakta tha

ki saghar aankh dikhlata tha aur shisha bhabhakta tha

tamasha ho raha tha abr mein rone se kya mere

udhar pani barasta tha idhar lohu Tapakta tha

baDa ehsan kiya jo dil ko mere khinch kar kaDha

ki muddat se mere sine mein jun kanTa khaTakta tha

tere kuche mein main ne aaj dasht-e-karbala dekha

koi mara paDa tha aur paDa koi sisakta tha

gaya tha teliya kapDon se tu aaina-KHane mein

ki ab tak KHana-e-aina us bu se mahakta tha

maza lene ke tain shirin-maqali ka teri 'hatim'

khaDa munh ko adab se dur nadida sa takta tha