jo maine husn ko sajda kiya kyon KHalq hairan hai

jo maiñ ne husn ko sajda kiyā kyoñ ḳhalq hairāñ hai

mohabbat merā maz.hab hai mohabbat merā īmāñ hai

mohabbat ek tūfān aur haibatnāk tūfāñ hai

ki jis kī ibtidā meñ intihā kā josh pinhāñ hai

ta.ajjub hai ki ye duniyā mujhe kāfir samajhtī hai

nahīñ ma.alūm use shāyad mohabbat ain īmāñ hai

kahānī hai kahānī hī sahī afsāna-e-ulfat

magar ye vo kahānī hai haqīqat jis meñ pinhāñ hai

jahāñ ko dars-e-ibrat hai merā zauq-e-vafādārī

maiñ us kā dost bantā huuñ jo merā dushman-e-jāñ hai

bhalā dekhā bhī hai marte kisī ko vaqt se pahle

haqīqat meñ qazā hī zindagānī kī nigahbāñ hai

jo main ne husn ko sajda kiya kyon KHalq hairan hai

mohabbat mera mazhab hai mohabbat mera iman hai

mohabbat ek tufan aur haibatnak tufan hai

ki jis ki ibtida mein intiha ka josh pinhan hai

tajjub hai ki ye duniya mujhe kafir samajhti hai

nahin malum use shayad mohabbat ain iman hai

kahani hai kahani hi sahi afsana-e-ulfat

magar ye wo kahani hai haqiqat jis mein pinhan hai

jahan ko dars-e-ibrat hai mera zauq-e-wafadari

main us ka dost banta hun jo mera dushman-e-jaan hai

bhala dekha bhi hai marte kisi ko waqt se pahle

haqiqat mein qaza hi zindagani ki nigahban hai