jo mil gai hain nigahen kabhi nigahon se

jo mil ga.ī haiñ nigāheñ kabhī nigāhoñ se

guzar ga.ī hai mohabbat hasīn rāhoñ se

charāġh jal ke agar bujh gayā to kyā hogā

mujhe na dekh mohabbat bharī nigāhoñ se

balā-kashoñ kī añdherī galī ko kyā jaane

vo zindagī jo guzartī hai shāh-rāhoñ se

laboñ pe mohr-e-ḳhamoshī lagā.ī jā.egī

diloñ kī baat kahī jā.egī nigāhoñ se

idhar kahā ki na chhūTe savāb kā jaada

udhar sajā bhī diyā raah ko gunāhoñ se

fazā-e-mai-kada-e-dil-kushā meñ aa.ī hai

hayāt ghuT ke jo niklī hai ḳhānqāhoñ se

mirī nazar kā taqāzā kuchh aur thā ai dost

milā na kuchh mah o anjum kī jalva-gāhoñ se

ḳhizāñ kī vādi-e-ġhurbat guzār leñ to 'shamīm'

mileñ dayār-e-bahārāñ ke kaj-kulāhoñ se

jo mil gai hain nigahen kabhi nigahon se

guzar gai hai mohabbat hasin rahon se

charagh jal ke agar bujh gaya to kya hoga

mujhe na dekh mohabbat bhari nigahon se

bala-kashon ki andheri gali ko kya jaane

wo zindagi jo guzarti hai shah-rahon se

labon pe mohr-e-KHamoshi lagai jaegi

dilon ki baat kahi jaegi nigahon se

idhar kaha ki na chhuTe sawab ka jada

udhar saja bhi diya rah ko gunahon se

faza-e-mai-kada-e-dil-kusha mein aai hai

hayat ghuT ke jo nikli hai KHanqahon se

meri nazar ka taqaza kuchh aur tha ai dost

mila na kuchh mah o anjum ki jalwa-gahon se

KHizan ki wadi-e-ghurbat guzar len to 'shamim'

milen dayar-e-bahaaran ke kaj-kulahon se