jo na karna tha kiya jo kuchh na hona tha hua
jo na karnā thā kiyā jo kuchh na honā thā huā
chaar din kī zindagī meñ kyā kaheñ kyā kyā huā
ye samajh kar ham nahīñ kahte kisī se rāz-e-dil
is taraf niklā zabāñ se us taraf charchā huā
bhar ke ThanDī saañs liiñ bīmār ne jab karvaTeñ
vo kaleja thaam kar kahne lage ye kyā huā
suniye suniye ātish-e-ġham se hue ham jal ke ḳhaak
kahiye kahiye ab kaleja aap kā ThanDā huā
mere chehre se ayaañ hai dekh lo pahchān lo
ye na pūchho dil kā aalam dil kā naqsha kyā huā
jo na karna tha kiya jo kuchh na hona tha hua
chaar din ki zindagi mein kya kahen kya kya hua
ye samajh kar hum nahin kahte kisi se raaz-e-dil
is taraf nikla zaban se us taraf charcha hua
bhar ke ThanDi sans lin bimar ne jab karwaTen
wo kaleja tham kar kahne lage ye kya hua
suniye suniye aatish-e-gham se hue hum jal ke KHak
kahiye kahiye ab kaleja aap ka ThanDa hua
mere chehre se ayan hai dekh lo pahchan lo
ye na puchho dil ka aalam dil ka naqsha kya hua
- Book : Mujalla Dastavez (Pg. 126)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
