jo puchha maine yan aana mera manzur rakhiyega
jo pūchhā maiñ ne yaañ aanā mirā manzūr rakhiyegā
to sun kar yuuñ kahā ye baat dil se duur rakhiyegā
bahut roiiñ ye āñkheñ aur paḌī din raat rotī haiñ
ab in ko chashm bhī kījegā yā nāsūr rakhiyegā
jo parda bazm meñ muñh se uThāte ho to ye kah do
ki phir yaañ sham.a ke jalne kā kyā mazkūr rakhiyegā
diyā dil ham ne tum ko aur to ab kyā kaheñ lekin
ye vīrāna tumhārā hai use ma.amūr rakhiyegā
'nazīr' ab to dil-o-jāñ se tumhārā ho chukā banda
miyāñ apne ġhulāmoñ meñ use mash.hūr rakhiyegā
jo puchha main ne yan aana mera manzur rakhiyega
to sun kar yun kaha ye baat dil se dur rakhiyega
bahut roin ye aankhen aur paDi din raat roti hain
ab in ko chashm bhi kijega ya nasur rakhiyega
jo parda bazm mein munh se uThate ho to ye kah do
ki phir yan shama ke jalne ka kya mazkur rakhiyega
diya dil hum ne tum ko aur to ab kya kahen lekin
ye virana tumhaara hai use mamur rakhiyega
'nazir' ab to dil-o-jaan se tumhaara ho chuka banda
miyan apne ghulamon mein use mashhur rakhiyega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
