jo ranj nawishte mein hai kyunkar na milega

jo rañj navishte meñ hai kyūñkar na milegā

likhvā.eñge naama to kabūtar na milegā

jis raat naqāb us mah-e-kāmil ne ulaT dī

tāroñ ko nishān-e-mah-e-anvar na milegā

abr-e-shab-e-furqat hai bañdhe āñsuoñ kā taar

is tarah kā vaqt ai mizha-e-tar na milegā

kāhīdgī-e-jism agar yuuñ hī rahegī

ham ko bhī hamārā tan-e-lāġhar na milegā

insāf ko samjho ḳhizar-e-rāh-e-hidāyat

ai 'rashk' ab aisā koī rahbar na milegā

jo ranj nawishte mein hai kyunkar na milega

likhwaenge nama to kabutar na milega

jis raat naqab us mah-e-kaamil ne ulaT di

taron ko nishan-e-mah-e-anwar na milega

abr-e-shab-e-furqat hai bandhe aansuon ka tar

is tarah ka waqt ai mizha-e-tar na milega

kahidgi-e-jism agar yun hi rahegi

hum ko bhi hamara tan-e-laghar na milega

insaf ko samjho KHizar-e-rah-e-hidayat

ai 'rashk' ab aisa koi rahbar na milega