jo samundar hamein ghanghor ghaTa deta hai

jo samundar hameñ ghanghor ghaTā detā hai

vahī qatroñ ko bhī dariyā se milā detā hai

jiddat-āmoz zamāna hameñ kyā detā hai

raah kī dhuul samajhtā hai uḌā detā hai

muflisī kitnī taḌap uThtī hai betābi se

aa ke saa.il jo kabhī dar pe sadā detā hai

zabt kā peḌ ghanā dil meñ lagā.e rakhnā

ye ghanā peḌ sadā ThanDī havā detā hai

tah meñ jāoge to motī bhī mileñge tum ko

bulbula saare ḳhazāne kā pata detā hai

chain se rahtā hai buniyād kā patthar 'ejāz'

zalzala ūñchī imārat ko girā detā hai

jo samundar hamein ghanghor ghaTa deta hai

wahi qatron ko bhi dariya se mila deta hai

jiddat-amoz zamana hamein kya deta hai

rah ki dhul samajhta hai uDa deta hai

muflisi kitni taDap uThti hai betabi se

aa ke sail jo kabhi dar pe sada deta hai

zabt ka peD ghana dil mein lagae rakhna

ye ghana peD sada ThanDi hawa deta hai

tah mein jaoge to moti bhi milenge tum ko

bulbula sare KHazane ka pata deta hai

chain se rahta hai buniyaad ka patthar 'ejaz'

zalzala unchi imarat ko gira deta hai