jo shua-e-lab hai mauj-e-nau-bahaar-e-naghma hai

jo shuā-e-lab hai mauj-e-nau-bahār-e-naġhma hai

ḳhāmushī bhī aap kī ā.īna-dār-e-naġhma hai

gosh ik muddat se mahrūm-e-samā.at hai magar

dil ajab nādāñ hai ab tak e'tibār-e-naġhma hai

farq ye hai nutq ke sāñche meñ Dhal saktā nahīñ

varna jo aañsū hai durr-e-shāh-vār-e-naġhma hai

munkir-e-sāz-e-masarrat huuñ to kāfir huuñ magar

ham-nafas mizrāb-e-ġham par inhisār-e-naġhma hai

ai ki shikva thā tujhe sañgīñ-mizājī kā mirī

dekh is patthar meñ bhī mauj-e-sharār-e-naġhma hai

jo shua-e-lab hai mauj-e-nau-bahaar-e-naghma hai

KHamushi bhi aap ki aaina-dar-e-naghma hai

gosh ek muddat se mahrum-e-samaat hai magar

dil ajab nadan hai ab tak e'tibar-e-naghma hai

farq ye hai nutq ke sanche mein Dhal sakta nahin

warna jo aansu hai durr-e-shah-war-e-naghma hai

munkir-e-saz-e-masarrat hun to kafir hun magar

ham-nafas mizrab-e-gham par inhisar-e-naghma hai

ai ki shikwa tha tujhe sangin-mizaji ka meri

dekh is patthar mein bhi mauj-e-sharar-e-naghma hai