jo sunte hain to main mamnun hun unki inayat ka

jo sunte haiñ to maiñ mamnūn huuñ un kī ināyat kā

kahūñ kyā ab ki mauqa.a hī nahīñ baaqī shikāyat kā

nayā mazmūn kyā hotā vo ḳhat meñ aur kyā likhte

vahī aayā hai jo likkhā huā thā apnī qismat kā

hameñ to aap kī bebākiyoñ se Dar hī rahtā hai

nahīñ ma.alūm kis din vaqt aa jaa.e nadāmat kā

nazar aatā nahīñ ab ghar meñ vo bhī uf re tanhā.ī

ik ā.īne meñ pahle aadmī thā merī sūrat kā

thake ahbāb āḳhir har tarah 'nātiq' ko samjhā kar

asar minnat samājat kā na kuchh la.anat malāmat kā

jo sunte hain to main mamnun hun un ki inayat ka

kahun kya ab ki mauqa hi nahin baqi shikayat ka

naya mazmun kya hota wo KHat mein aur kya likhte

wahi aaya hai jo likkha hua tha apni qismat ka

hamein to aap ki bebakiyon se Dar hi rahta hai

nahin malum kis din waqt aa jae nadamat ka

nazar aata nahin ab ghar mein wo bhi uf re tanhai

ek aaine mein pahle aadmi tha meri surat ka

thake ahbab aaKHir har tarah 'natiq' ko samjha kar

asar minnat samajat ka na kuchh lanat malamat ka