jo tamasha nazar aaya use dekha samjha

jo tamāshā nazar aayā use dekhā samjhā

jab samajh aa ga.ī duniyā ko tamāshā samjhā

us kī e.ajāz-numā.ī kā tamāshā.ī huuñ

kahīñ jugnū bhī jo chamkā yad-e-baizā samjhā

maiñ ye samjhā huuñ ki samjhe na mirī baat ko aap

sar hilā kar jo kahā aap ne achchhā samjhā

asar-e-husn kahūñ yā kashish-e-ishq kahūñ

maiñ tamāshā.ī thā vo mujh ko tamāshā samjhā

kyā kahūñ mere samāne ko samajh hai darkār

ḳhaak samjhā jo mujhe ḳhaak kā putlā samjhā

ek vo haiñ jinheñ duniyā kī bahāreñ haiñ nasīb

ek maiñ huuñ qafas-e-tañg ko duniyā samjhā

merā har sher hai ik rāz-e-haqīqat 'beḳhud'

maiñ huuñ urdu kā 'nazīrī' mujhe tū kyā samjhā

jo tamasha nazar aaya use dekha samjha

jab samajh aa gai duniya ko tamasha samjha

us ki eajaz-numai ka tamashai hun

kahin jugnu bhi jo chamka yad-e-baiza samjha

main ye samjha hun ki samjhe na meri baat ko aap

sar hila kar jo kaha aap ne achchha samjha

asar-e-husn kahun ya kashish-e-ishq kahun

main tamashai tha wo mujh ko tamasha samjha

kya kahun mere samane ko samajh hai darkar

KHak samjha jo mujhe KHak ka putla samjha

ek wo hain jinhen duniya ki bahaaren hain nasib

ek main hun qafas-e-tang ko duniya samjha

mera har sher hai ek raaz-e-haqiqat 'beKHud'

main hun urdu ka 'naziri' mujhe tu kya samjha