jo tujhe aur mujhe ek kar saka nahin

jo tujhe aur mujhe ek kar sakā nahīñ

vo tirā ḳhudā nahīñ vo mirā ḳhudā nahīñ

zindagī milī kabhī to gila kareñge par

zindagī milī nahīñ to gila kiyā nahīñ

maiñ jo is dayār meñ ab talak nahīñ marā

kyā mirā koī aziiz ab yahāñ bachā nahīñ

jis ke ehtirām meñ sar kaTā diyā gayā

us ko to ḳhabar nahīñ us ko to patā nahīñ

ḳhud se duur ho ga.e chuur chuur ho ga.e

rassī jal ga.ī magar us kā bal gayā nahīñ

zaḳhm kī nazākatoñ ko nahīñ samajh sakā

tū 'vaqār'-ḳhān hai jaun-elia nahīñ

jo tujhe aur mujhe ek kar saka nahin

wo tera KHuda nahin wo mera KHuda nahin

zindagi mili kabhi to gila karenge par

zindagi mili nahin to gila kiya nahin

main jo is dayar mein ab talak nahin mara

kya mera koi aziz ab yahan bacha nahin

jis ke ehtiram mein sar kaTa diya gaya

us ko to KHabar nahin us ko to pata nahin

KHud se dur ho gae chur chur ho gae

rassi jal gai magar us ka bal gaya nahin

zaKHm ki nazakaton ko nahin samajh saka

tu 'waqar'-KHan hai jaun-elia nahin