jo tujhe dekh ke mabhut hua

jo tujhe dekh ke mab.hūt huā

ḳhūn-e-dil us ko sadā quut huā

jo muā dekh tire aariz kuuñ

shāḳh-e-gul kā use tābūt huā

jo uThā majlis-e-nāsotī meñ

mahram-e-ḳhalvat-e-lāhūt huā

nok-e-mizhgān-e-sanam haq meñ mire

tez juuñ neza-e-rajpūt huā

ashk-e-ḳhūnīñ shab-e-hijrāñ kā 'sirāj'

roġhan-e-sho.ala-e-yāqūt huā

jo tujhe dekh ke mabhut hua

KHun-e-dil us ko sada qut hua

jo mua dekh tere aariz kun

shaKH-e-gul ka use tabut hua

jo uTha majlis-e-nasoti mein

mahram-e-KHalwat-e-lahut hua

nok-e-mizhgan-e-sanam haq mein mere

tez jun neza-e-rajput hua

ashk-e-KHunin shab-e-hijran ka 'siraj'

roghan-e-shoala-e-yaqut hua