jo tu hi sanam humse be-zar hoga

jo tū hī sanam ham se be-zār hogā

to jiinā hameñ apnā dushvār hogā

ġham-e-hijr rakkhegā be-tāb dil ko

hameñ kuḌhte kuḌhte kuchh āzār hogā

jo ifrāt-e-ulfat hai aisā to āshiq

koī din meñ barsoñ kā bīmār hogā

uchaTtī mulāqāt kab tak rahegī

kabhū to tah-e-dil se bhī yaar hogā

tujhe dekh kar lag gayā dil na jaanā

ki us sañg-dil se hameñ pyaar hogā

lagā karne hijrān saḳhtī se saḳhtī

ḳhudā jaane kyā āḳhir-e-kār hogā

yahī hogā kyā hogā 'mīr' hī na hoñge

jo tū hogā be-yār ġham-ḳhvār hogā

jo tu hi sanam hum se be-zar hoga

to jina hamein apna dushwar hoga

gham-e-hijr rakkhega be-tab dil ko

hamein kuDhte kuDhte kuchh aazar hoga

jo ifraat-e-ulfat hai aisa to aashiq

koi din mein barson ka bimar hoga

uchaTti mulaqat kab tak rahegi

kabhu to tah-e-dil se bhi yar hoga

tujhe dekh kar lag gaya dil na jaana

ki us sang-dil se hamein pyar hoga

laga karne hijran saKHti se saKHti

KHuda jaane kya aaKHir-e-kar hoga

yahi hoga kya hoga 'mir' hi na honge

jo tu hoga be-yar gham-KHwar hoga