jo uske samne mera ye haal aa jae

jo us ke sāmne merā ye haal aa jaa.e

to dukh se aur bhī us par jamāl aa jaa.e

mirā ḳhayāl bhī ghuñgrū pahan ke nāchegā

agar ḳhayāl ko terā ḳhayāl aa jaa.e

har ek shaam na.e ḳhvāb us pe kāḌeñge

hamāre haath agar terī shaal aa jaa.e

inhī dinoñ vo mire saath chaa.e piitā thā

kahīñ se kaash mirā pichhlā saal aa jaa.e

maiñ apne ġham ke ḳhazāne kahāñ chhupā.ūñgā

agar kahīñ se koī indimāl aa jaa.e

har ek baar na.e Dhañg se sajā.eñ tujhe

hamāre haath jo phūloñ kī Daal aa jaa.e

ye Dūbtā huā sūraj Thahar na jaa.e 'vasī'

agar vo sāmne vaqt-e-zavāl aa jaa.e

jo us ke samne mera ye haal aa jae

to dukh se aur bhi us par jamal aa jae

mera KHayal bhi ghungru pahan ke nachega

agar KHayal ko tera KHayal aa jae

har ek sham nae KHwab us pe kaDenge

hamare hath agar teri shaal aa jae

inhi dinon wo mere sath chae pita tha

kahin se kash mera pichhla sal aa jae

main apne gham ke KHazane kahan chhupaunga

agar kahin se koi indimal aa jae

har ek bar nae Dhang se sajaen tujhe

hamare hath jo phulon ki Dal aa jae

ye Dubta hua suraj Thahar na jae 'wasi'

agar wo samne waqt-e-zawal aa jae