jo uzw-e-baatin KHuda banata to hum dil-e-be-qarar hote

jo uzv-e-bātin ḳhudā banātā to ham dil-e-be-qarār hote

jo uzv-e-zāhir ḳhudā banātā to dīda-e-ashk-bār hote

jo gard kar ke ḳhudā uḌātā to uḌte gard-e-malāl ho kar

jo sañg kar ke ḳhudā jamātā to jam ke lauh-e-mazār hote

ḳhudā jo shāna hameñ banātā to ham ḳhalish hote apne dil kī

ḳhudā jo ā.īna ham ko kartā to apne hairān-kār hote

jo roz ham ko ḳhudā banātā to bante roz-e-firāq-e-jānāñ

jo raat ham ko ḳhudā banātā to ham shab-e-intizār hote

ġharaz ki aisā musībatoñ kā hamāre dil ko mazā paḌā hai

ki 'qadr' ham ko ḳhudā banātā to ho ke be-qadr ḳhvār hote

jo uzw-e-baatin KHuda banata to hum dil-e-be-qarar hote

jo uzw-e-zahir KHuda banata to dida-e-ashk-bar hote

jo gard kar ke KHuda uData to uDte gard-e-malal ho kar

jo sang kar ke KHuda jamata to jam ke lauh-e-mazar hote

KHuda jo shana hamein banata to hum KHalish hote apne dil ki

KHuda jo aaina hum ko karta to apne hairan-kar hote

jo roz hum ko KHuda banata to bante roz-e-firaq-e-jaanan

jo raat hum ko KHuda banata to hum shab-e-intizar hote

gharaz ki aisa musibaton ka hamare dil ko maza paDa hai

ki 'qadr' hum ko KHuda banata to ho ke be-qadr KHwar hote