jo wo bazm mein be-naqab aa gaya

jo vo bazm meñ be-naqāb aa gayā

har ik chiiz par ik shabāb aa gayā

jabhī merī bechainiyāñ baḌh ga.iiñ

ki vo vaj.h-e-sad-iztirāb aa gayā

sitam bhī kiye us ne be-intihā

mujhe lutf bhī be-hisāb aa gayā

ga.ī kyā ḳhizāñ kyā ye aa.ī bahār

mirī jaan par ik 'azāb aa gayā

abhī karne paayā na thā maiñ savāl

ki un ke laboñ par javāb aa gayā

na vo sun sake aur na maiñ kah sakā

nazar ko nazar se hijāb aa gayā

idhar us ne Daalī nazar meñ nazar

udhar ham ko lutf-e-sharāb aa gayā

samajh meñ na aayā ye andāz-e-nau

mujhe dekh kar kyoñ hijāb aa gayā

mujhe dekhte hī vo farmā uThe

vo 'bahzād'-e-ḳhāna-ḳharāb aa gayā

jo wo bazm mein be-naqab aa gaya

har ek chiz par ek shabab aa gaya

jabhi meri bechainiyan baDh gain

ki wo wajh-e-sad-iztirab aa gaya

sitam bhi kiye us ne be-intiha

mujhe lutf bhi be-hisab aa gaya

gai kya KHizan kya ye aai bahaar

meri jaan par ek 'azab aa gaya

abhi karne paya na tha main sawal

ki un ke labon par jawab aa gaya

na wo sun sake aur na main kah saka

nazar ko nazar se hijab aa gaya

idhar us ne Dali nazar mein nazar

udhar hum ko lutf-e-sharab aa gaya

samajh mein na aaya ye andaz-e-nau

mujhe dekh kar kyon hijab aa gaya

mujhe dekhte hi wo farma uThe

wo 'bahzad'-e-KHana-KHarab aa gaya