jo yahan hazir hai wo misl-e-guman maujud hai

jo yahāñ hāzir hai vo misl-e-gumāñ maujūd hai

aur jo ġhā.eb hai us kī dāstāñ maujūd hai

ai ġhubār-e-ḳhvāhish-e-yak-umr apnī raah le

is galī meñ tujh se pahle ik jahāñ maujūd hai

ab kisī amboh-e-gum-gashta kī jānib ho safar

aur koī chupke se kah de tū kahāñ maujūd hai

shāyad aa pahuñchā hai ahd-e-intizār-e-guftugū

chaar jānib ḳhilqat-e-lab-bastagāñ maujūd hai

raat phir āñkhoñ se bah niklī tamannā-e-visāl

aisā lagtā thā ki tū bhī darmiyāñ maujūd hai

pahle thī ik tishnagī mahrūmiyoñ se ham-kanār

ab ragoñ meñ nashsha-e-umr-e-ravāñ maujūd hai

azm ḳhud ko kārvān-e-nafā meñ shāmil na kar

tere shānoñ par abhī bār-e-ziyāñ maujūd hai

jo yahan hazir hai wo misl-e-guman maujud hai

aur jo ghaeb hai us ki dastan maujud hai

ai ghubar-e-KHwahish-e-yak-umr apni rah le

is gali mein tujh se pahle ek jahan maujud hai

ab kisi amboh-e-gum-gashta ki jaanib ho safar

aur koi chupke se kah de tu kahan maujud hai

shayad aa pahuncha hai ahd-e-intizar-e-guftugu

chaar jaanib KHilqat-e-lab-bastagan maujud hai

raat phir aankhon se bah nikli tamanna-e-visal

aisa lagta tha ki tu bhi darmiyan maujud hai

pahle thi ek tishnagi mahrumiyon se ham-kanar

ab ragon mein nashsha-e-umr-e-rawan maujud hai

azm KHud ko karwan-e-nafa mein shamil na kar

tere shanon par abhi bar-e-ziyan maujud hai