jo ye kahte the ki mar jaanā hai
un se jiine kā hunar jaanā hai
kis ne sochā thā ki ḳhud se mil kar
apnī āvāz se Dar jaanā hai
hadisā maut nahīñ insāñ kī
hādisa ḳhvāb kā mar jaanā hai
hazrat-e-dil ko manānā hogā
aaj phir us kī Dagar jaanā hai
kuchh havā, aag, zamīñ, aab, falak
phir mujhe lauT ke ghar jaanā hai
ek bālisht nahīñ jis kī chhāñv
tum ne us ko bhī shajar jaanā hai
saath rakh mujh ko baḌhā le qīmat
go mujhe tū ne sifar jaanā hai
aaj phir tum ko nahīñ DhūñDh sakā
dil ko sahrā meñ pasar jaanā hai
aap bhī suniye kahā hai dil ne
''aaj har had se guzar jaanā hai''
silsila toḌ rahe ho kyūñkar
silsila ḳhud hī bikhar jaanā hai
yaad kī ghaas to giilī hai bahut
ab dhuāñ dil pe pasar jaanā hai
dil ko sairāb kiyā ashkoñ se
ham ne rone kā hunar jaanā hai
apnā jo bhī thā vo sab chhūT gayā
ye magar vaqt-e-safar jaanā hai
jo ye kahte the ki mar jaana hai
un se jine ka hunar jaana hai
kis ne socha tha ki KHud se mil kar
apni aawaz se Dar jaana hai
hadisa maut nahin insan ki
hadisa KHwab ka mar jaana hai
hazrat-e-dil ko manana hoga
aaj phir us ki Dagar jaana hai
kuchh hawa, aag, zamin, aab, falak
phir mujhe lauT ke ghar jaana hai
ek baalisht nahin jis ki chhanw
tum ne us ko bhi shajar jaana hai
sath rakh mujh ko baDha le qimat
go mujhe tu ne sifar jaana hai
aaj phir tum ko nahin DhunDh saka
dil ko sahra mein pasar jaana hai
aap bhi suniye kaha hai dil ne
aaj har had se guzar jaana hai
silsila toD rahe ho kyunkar
silsila KHud hi bikhar jaana hai
yaad ki ghas to gili hai bahut
ab dhuan dil pe pasar jaana hai
dil ko sairab kiya ashkon se
hum ne rone ka hunar jaana hai
apna jo bhi tha wo sab chhuT gaya
ye magar waqt-e-safar jaana hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.