josh-e-takmil-e-tamanna hai KHuda KHair kare
josh-e-takmīl-e-tamannā hai ḳhudā ḳhair kare
ḳhaak hone kā andesha hai ḳhudā ḳhair kare
jāñ-nisāroñ ko natīje kā tasavvur hī kahāñ
ā.īna sañg pe martā hai ḳhudā ḳhair kare
sab ne rasmī hī hañsī lab pe sajā rakkhī hai
har koī dard meñ Duubā hai ḳhudā ḳhair kare
pyaas paanī ke tajassus meñ bhaTaktī hai jahāñ
duur tak ret kā dariyā hai ḳhudā ḳhair kare
ik taraf vaqt ke muñh-zor bagūloñ kā hujūm
ik taraf zard sā pattā hai ḳhudā ḳhair kare
tū ne ghar yuuñ to bulandī pe banāyā hai 'figār'
tū magar niiñd meñ chaltā hai ḳhudā ḳhair kare
josh-e-takmil-e-tamanna hai KHuda KHair kare
KHak hone ka andesha hai KHuda KHair kare
jaan-nisaron ko natije ka tasawwur hi kahan
aaina sang pe marta hai KHuda KHair kare
sab ne rasmi hi hansi lab pe saja rakkhi hai
har koi dard mein Duba hai KHuda KHair kare
pyas pani ke tajassus mein bhaTakti hai jahan
dur tak ret ka dariya hai KHuda KHair kare
ek taraf waqt ke munh-zor bagulon ka hujum
ek taraf zard sa patta hai KHuda KHair kare
tu ne ghar yun to bulandi pe banaya hai 'figar'
tu magar nind mein chalta hai KHuda KHair kare
- Book : Ehsas Dar Ehsas (Pg. 12)
- Author : Amar Singh Figar
- Publication : Modern Publishing House (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
