juda karenge na hum dil se hasrat-e-dil ko
juda karenge na hum dil se hasrat-e-dil ko
Wahshat Raza Ali Kalkatvi
MORE BYWahshat Raza Ali Kalkatvi
judā kareñge na ham dil se hasrat-e-dil ko
aziiz kyuuñ na rakheñ zindagī ke hāsil ko
nihāñ agarche hai mahfil se soz-e-dil merā
magar ye raaz hai ma.alūm sham-e-mahfil ko
vo tuul khīñchā balā kā tire taġhāful ne
ki sabr aa hī gayā mere muztarib dil ko
kaThin hai kaam to himmat se kaam le ai dil
bigāḌ kaam na mushkil samajh ke mushkil ko
vo kaam merā nahīñ jis kā nek ho anjām
vo raah merī nahīñ jo ga.ī ho manzil ko
ḳhabar huī na unheñ mere muztarib dil kī
ġhalat ḳhayāl hai ye dil se raah hai dil ko
balā kī hotī hai 'vahshat' kī bhī ġhazal-ḳhvānī
ki ik surūr sā hotā hai ahl-e-mahfil ko
juda karenge na hum dil se hasrat-e-dil ko
aziz kyun na rakhen zindagi ke hasil ko
nihan agarche hai mahfil se soz-e-dil mera
magar ye raaz hai malum sham-e-mahfil ko
wo tul khincha bala ka tere taghaful ne
ki sabr aa hi gaya mere muztarib dil ko
kaThin hai kaam to himmat se kaam le ai dil
bigaD kaam na mushkil samajh ke mushkil ko
wo kaam mera nahin jis ka nek ho anjam
wo rah meri nahin jo gai ho manzil ko
KHabar hui na unhen mere muztarib dil ki
ghalat KHayal hai ye dil se rah hai dil ko
bala ki hoti hai 'wahshat' ki bhi ghazal-KHwani
ki ek surur sa hota hai ahl-e-mahfil ko
- Book : Karwaan-e-Ghazal (Pg. 65)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
