judai had se baDhi to visal ho hi gaya
judā.ī had se baḌhī to visāl ho hī gayā
chalo vo aaj mirā ham-ḳhayāl ho hī gayā
navāztā thā hamesha vo ġham kī daulat se
aur is ḳhazāne se maiñ maalā maal ho hī gayā
maiñ aadmī huuñ to himmat na TūTtī kaise
ġhamoñ ke bojh se āḳhir niDhāl ho hī gayā
ye aur baat ki vo aadmī na ban paayā
magar zamāne kī ḳhātir misāl ho hī gayā
vo āftāb ki din meñ uruuj thā jis kā
huī jo shaam to us kā zavāl ho hī gayā
maiñ kārobār-e-jahāñ meñ ulajh gayā itnā
ki ḳhud se milnā bhī ab to muhāl ho hī gayā
judai had se baDhi to visal ho hi gaya
chalo wo aaj mera ham-KHayal ho hi gaya
nawazta tha hamesha wo gham ki daulat se
aur is KHazane se main mala mal ho hi gaya
main aadmi hun to himmat na TuTti kaise
ghamon ke bojh se aaKHir niDhaal ho hi gaya
ye aur baat ki wo aadmi na ban paya
magar zamane ki KHatir misal ho hi gaya
wo aaftab ki din mein uruj tha jis ka
hui jo sham to us ka zawal ho hi gaya
main karobar-e-jahan mein ulajh gaya itna
ki KHud se milna bhi ab to muhaal ho hi gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
